《睇定啲才買系列》
• 奶咀：一來多人送（同一款奶咀我有四五個），二來其實初生BB未必一定要用奶嘴；而且太早用奶嘴對BB來講都未必是好事。我家JackJack到而家三個月都未用過奶嘴，而且聽陪月講其實好多BB都不需要用奶嘴。我參考過一些外國的網站，他們的說法是如果BB懂得食手指就不用比奶咀，因為食手指是BB安撫自己情緒的方法，未必是壞事！當然，如果BB食手指就要注意衛生，經常幫他抹手啦！
• 口水肩：又係超級多人送！未滿月已經有幾十條！不過我好少比BB用，因為暫時來講紗巾好用好多！大少少開始流口水、食糊仔先用都未遲！
• 奶樽：我餵全人奶，基本上無用奶樽。而且如果想成功餵人奶，最好在BB六個月大前也不要使用奶樽，以免產生nipple confusion。如產後初期未上奶要加奶粉，也可以選擇cup feeding 或spoon feeding。
• 奶粉：如選擇餵人奶，都不用買！婦科診所在懷孕最後階段會有好多試用裝送！細細罐的，真的逼不得已要加奶才用。我買了一大罐，最後都無用到。
• 坐奶器：坐熱奶用，要買奶樽時才買。
• 奶泵：有需要才買，產後盡量埋身餵哺，除非打算出街或上班，要泵定奶出來才需要購買。
• 烚奶樽器：同上，到買奶泵或奶樽時需要殺菌消毒才購買。
是的，如果能夠成功餵哺母乳，慳好多！我就是太早買了一大堆奶樽、烚奶樽器，其實好阻定！
Search